Festuan fitoren e Shqipërisë duke thirrur ‘vritini serbët’, 10 në pranga

Ministri i brendshëm serb, Nebojsha Stefanoviç ka thënë se janë arrestuar 10 shqiptarë në Bujanoc, pasi kanë borhoritur “vritni, masakroni, që serb

ët të mos ekzistojnë”, pas ndeshjes Shqipëri-Armeni.

Siç transmeton “Indeksonline”, kjo është bërë e ditur sot në Seancën e Komisionit Parlamentar për Punë të Brendshme dhe Mbrojtje, kur Stefanoviç ai ka thënë se ndaj ndonjërit prej tyre mund të bëhet kallëzim penal.

Sipas tij, zyra e prokurorit të lartë do të hetojë nëse ka ndodhur nxitje e urrejtjes etnike, racore dhe fetare.

Rreth 120 persona pas ndeshjes Shqipëri-Armeni, të dielën rreth orës 20:00, kanë brohoritur “Shipëria, Shqipëria”, dhe “Vritni, masakroni serbët që të mos ekzistojnë.”

Mbi këto baza, Prokuroria e Lartë në Vranjë urdhëroi stacionin policor në Bujanoc që të paraqesë një ankesë penale kundër personave të panjohur “që këndonin”, shkruajnë mediat serbe.